ဒီ​နေ့မှာ​တော့ Intern Pluser လေး​တွေကို Imposter Syndrome ဆိုတဲ့ term လေးနဲ့မိတ်ဆက်​ပေးချင်ပါတယ်။ အရင်ဦးဆုံး imposter ဆိုတာ လိမ်လည်လှည့်ဖြားသူ၊ ဟန်​ဆောင်သူလို့ အဓိပ္ပာယ်ရပါတယ်။

Imposter Syndrome ဆိုတာက​တော့ ကိုယ့်ရဲ့​အောင်မြင်မှုတွေ၊ အရည်အချင်း​​တွေ၊ ပါရမီ​တွေကို ကိုယ့်ကိုကိုယ် မယုံကြည်နိုင်ပဲ ကိုယ့်ရဲ့အတွင်းစိတ်ထဲမှာ မှာကိုယ့်ဟာကို အ​ယောင်အ​ဆောင်လို့ ထင်မှတ်ပြီး သူများ​တွေက သိသွားမှာကို​​ကြောက်​စိတ်ဝင်နေတာပဲဖြစ်ပါတယ်။ ရှင်း​အောင်​ပြောရမယ်ဆိုရင်​တော့ ကိုယ့်ကိုယ်ကို ညံ့တယ်လို့ခံယူပြီး ကိုယ်ညံ့တာကို လူ​တွေသိသွားမှာကို ကြောက်​နေတာမျိုးပါ။ အဓိက​အ​ကြောင်းအရင်းက​တော့ သူတို့ကသူတို့ရဲ့​အောင်မြင်မှူကို ကိုယ့်​ကြောင့်လို့မထင်ဘဲ ကံ​ကောင်းလို့ ဒါမှမဟုတ် တစ်စုံတစ်​ယောက်က ကူညီလို့​ အောင်မြင်တယ်လို့ယူဆထားလို့ပါ။

Imposter Syndrome ဆိုတာ mental disorder တစ်ခုမဟုတ်ပဲနဲ့ ပုံမှန်​တွေ့ကြုံရတတ်တဲ့ ဖြစ်စဥ်တစ်ခုပါ။ ဘယ်လိုလူ​​တွေမှာတွေ့ရတတ်လဲဆို​တော့ self-esteem နည်းပေမယ့် အောင်မြင်မှုများတဲ့သူတွေမှာ​တွေ့ရ​လေ့ရှိပါတယ်။ အထူးသဖြင့် နယ်ပယ်အသစ်တစ်ခုမှာ စတင်ဝင်​ရောက်တဲ့အချိန်​တွေမှာဖြစ်​လေ့ရှိပါတယ်။ ဥပမာအ​နေနဲ့​ပေးရမယ်ဆိုရင်​တော့ အခုမှ freshly graduate ဖြစ်ထားတဲ့သူ​တွေပါ။ ကိုယ့်မှာအရည်အချင်းရှိပေမယ့်​ ကိုယ့်ရဲ့ self-doubt ကကိုယ့်အတွက်အခွင့်အလမ်း​တွေဆီက​နေ ဝေးရာကိုတွန်းပို့လိုက်တာပါ။ Imposter Syndrome က career ကိုလဲသက်​ရောက်​စေပါတယ်။ လုပ်ငန်းခွင်မှာ ကိုယ့်ရဲ့စွမ်း​ဆောင်ရည်ကိုပြသချင်တာနဲ့ပဲ အလုပ်ကို overwork ဖြစ်သွားနိုင်ပါတယ်။ အကျိုးဆက်အ​နေနဲ့ ရိုးရိုးပင်ပန်းရုံတင်မဟုတ်ပဲ burnout ဖြစ်သွားတဲ့အဆင့်ကို​ရောက်သွားတာပါ။

ဒီလို​အ​ခြေအ​နေ​ခံစား​နေရတယ်ဆိုရင် ကိုယ့်ရဲ့ယုံကြည်မှုကို ပြန်လည်ရှာ​ဖွေပါ။ အလုပ်တွင်းမှာယုံကြည်မှုရှာဖိုခက်ခဲ​နေတယ်ဆိုရင် အလုပ်ပြင်ပက​နေ ယုံကြည်မှုတည်​ဆောက်တာက​နေ စတင်နိုင်ပါတယ်။ ပြီးရင် ဘယ်အ​ခြေအ​နေမဆို ကိုယ်ဘာလုပ်​ပေးနိုင်မလဲ ဆိုတာကိုပဲ အာရုံစိုက်ဖို့ ကြိုးစားပါ။ ကျန်တာ​တွေကို ကြောက်မ​နေပါနဲ့။ နောက်ဆုံးက​တော့ လုပ်ငန်းခွင်မှာ ကိုယ့်စိတ်ပိုင်းဆိုင်ရာကိစ္စ​တွေကို ပွင့်ပွင့်လင်းလင်း ဆွေး​နွေးတိုင်ပင်နိုင်မယ့် အရပ်အဝန်းမှာ ပါဝင်ပါ။