CV ကိုသေသေချာချာပြင်ပြီး အလုပ်လျှောက်တာတောင် အင်တာဗျူးမခေါ်တာမျိုး Intern Pluser တို့ ကြုံဖူးကြပါသလားဘာကြောင့်အလုပ်မခေါ်တာလဲလို့ကော စဥ်းစားမရတဲ့ အခြေအနေမျိုးတွေကြုံဖူးကြပါသလား

တကယ်တော့ အလုပ်တစ်ခုကိုလျှောက်တယ်ဆိုတာ အလုပ်လျှောက်သူတွေအတွက်သာမက အလုပ်ခေါ်တဲ့ လုပ်ငန်းရှင်အတွက်လဲ အရမ်းကို အရေးကြီးလှပါတယ်။ အလုပ်လျှောက်သူတွေအနေနဲ့အလုပ်ရဖို့ အရေးကြီးသလို အလုပ်ခေါ်သူတွေအဖို့လည်း ကုမ္ပဏီအတွက် ဘယ်လောက်ထိ Interest နဲ့ Commitment ရှိလဲဆိုတာကို လေ့လာဖို့လိုအပ်ပါတယ်။ ဒါ့အတွက်ကြောင့် နောက်ထပ်လျှောက်မယ့် အလုပ်တွေအတွက် ဒီအချက် ၈ ချက်ကို ပြင်ဆင်ထားဖို့လိုအပ်ပါလိမ့်မယ်‌နော်

အလုပ်ခေါ်စာကို အသေးစိတ် သေချာဖတ်ပါ။အလုပ်လျှောက်ရာမှာ Job Title, Qualification Requirement တွေသာမက Company Profile, Job Description, Required Documents တွေကို သေသေချာချာဖတ်ရှုပြီး အားလုံးပြည့်စုံမှသာ အလုပ်ကိုလျှောက်လွှာပေးပို့တာမျိုးပြုလုပ်သင့်ပါတယ်။

မိမိနာမည် အရင်းကို သာအသုံးပြုထားတဲ့ CV နဲ့ Email Address ကိုအသုံးပြုပါ။မိမိနာမည် အရင်းကို သာအသုံးပြုထားတဲ့ CV နဲ့ Email Address ကိုအသုံးပြုခြင်းက မိမိဟာ အလုပ်နဲ့ ကိုယ်ရေးကိုယ်တာကို ခွဲခြားတတ်သူတစ်ဦးဖြစ်သလို လုပ်ငန်းတစ်ခုကို ဦးဆောင်နိုင်စွမ်းရှိသူတစ်ဦးအဖြစ်လဲ ပြသနေပါတယ်။

အလုပ်ခေါ်စာထဲမှာ ပါဝင်တဲ့ Instruction တွေကို လိုက်နာပါ။အလုပ်လျှောက်ရာမှာ လုပ်ငန်းရှင်ဘက်က မေးထားတဲ့ မေးခွန်းတွေပြည့်ပြည့်စုံစုံ ဖြေဆိုပြီး အလုပ်လျှောက်ပုံလျှောက်နည်းတွေကို လိုက်နာပြီး မှသာ CV, Cover Letter ပေးပို့တာမျိုးပြုလုပ်သင့်ပါတယ်။

Cover Letter ကို အလုပ်လျှောက်ရာမှာ ထည့်သွင်းဖော်ပြပေးပါ။အလုပ်တစ်ခုကို သေသေချာချာလျှောက်ကြဖို့ Cover Letter ကောင်းတစ်ခုကို ရေးသားထားသင့်ပါတယ်။ လျှောက်မယ့်အလုပ်အတွက် Cover Letter မရေးသားခင်မှာ အဲဒီအလုပ်ရဲ့ Job Description ကို ဖတ်ပြီး မိမိရဲ့အားသာချက်တွေနဲ့ ကိုက်ညီကြောင်းဖော်ပြရေးသားထားတဲ့ Cover Letter ကို CV နဲ့အတူပေးပို့သင့်ပါတယ်။

အလုပ်ခေါ်စာမှာပါဝင်တဲ့ Key Word တွေ သင့် CV, Resume မှာပါဝင်ပါစေ။Job Description မှာပါဝင်တဲ့ အလုပ်တွေကို ဒီ Key words တွေအသုံးပြုပြီး သင့်အနေနဲ့ ကောင်းမွန်စွာဆောင်ရွက်နိုင်ကြောင်းကိုဖော်ပြတဲ့ သင့်ရဲ့ Skills တွေ Experience တွေ ကိုထည့်သွင်းရေးသားပါ။

အမှားကင်းစင်တဲ့ အလုပ်လျှောက်လွှာတစ်ခုဖြစ်အောင်ပြုလုပ်ပါ။အလုပ်လျှောက်ရာမှာ အီးမေးလ်ပေးပို့ခြင်းမျိုးတွေက အလုပ်ရှင်နဲ့ တစ်ခုတည်းသော Communication method ဖြစ်တဲ့အတွက် စာလုံးပေါင်းသတ်ပုံ တွေသေသေချာချာစစ်ဆေးပြီး လိုအပ်တဲ့ စာရွက်စာတမ်းတွေ စုံမစုံ စစ်ဆေးတာမျိုးပြုပြီးမှသာ အလုပ်လျှောက်ထားသင့်ပါတယ်။

မိမိလျှောက်ထားတဲ့အလုပ်တွေ ကို မှတ်သားထားပါ။အလုပ်တွေအများကြီးလျှောက်ထားမိတဲ့အခါ လုပ်ငန်းရှင်ဘက်ကဆက်သွယ်လာတဲ့အခါ မသိတာမျိုးဖြစ်ရလေအောင် ကိုယ်လျှောက်ထားတဲ့ အလုပ်ရဲ့ Job Title, Company Name နဲ့ အလုပ်ခေါ်စာလေးတွေကို သေသေချာချာ သိမ်းထားတာမျိုးကိုလဲပြုလုပ်ထားသင့်ပါတယ်‌နော်။

Social Media Profile လေးတွေကို သပ်သပ်ရပ်ရပ်ထားရှိပါ။နည်းပညာတွေတိုးတက်လာတာနဲ့အမျှ လုပ်ငန်းခွင်တွေမှာ Social Media တွေရဲ့ အခန်းကဏ္ဌတွေကလဲ နေရာယူလာတဲ့အတွက် လုပ်ငန်းရှင်တွေအနေနဲ့ Intern Pluser တို့ရဲ့ Social Media Profile တွေကို အလုပ်မခေါ်ခင်မှာဝင်ရောက်ကြည့်ရှုနိုင်တဲ့အတွက် Social Media Profile တွေကိုသပ်သပ်ရပ်ရပ်ထားရှိဖို့လိုအပ်ပါတယ်။

ကဲ အလုပ်လျှောက်ရာမှာသတိထားသင့်တဲ့အချက်တွေကိုဖော်ပြပေးခဲ့ပြီးပြီဖြစ်တဲ့အတွက် နောက်တစ်ခါအလုပ်လျှောက်တဲ့အခါမှာတော့ အင်တာဗျူးတွေကိုအောင်မြင်စွာဖြေဆိုနိုင်ကြပါစေလို့ Intern Plus Team Member တွေကလည်း ဆုတောင်းပေးလိုက်ပါတယ်နော်