Communication skills လို့ဆိုလာရင် ကျွန်တော်တို့ တော်တော်များများက စကားအပြောအဆိုပိုင်းကိုသာ သတိထားလေ့ရှိကြပါတယ်။ သို့ပေမယ့် communication skills စကားပြောစွမ်းရည် တစ်ခုဆိုတာထက်ပိုပါတယ်။ communication skills ဆိုတဲ့ခေါင်းစဥ်အောက်မှာ active listening, clarity, and concision, nonverbal communication (body language) နဲ့ feedback ဆိုတဲ့အကြောင်းအရာတွေလည်း ပါလာပါတယ်။

◼️Active listening: ကျွန်တော်တို့ဟာ သာမန်အားဖြင့် ကိုယ်ပြောပြ တင်ပြချင်တဲ့ အကြောင်းအရာတွေကိုပဲစိတ်ဝင်စားပြီး သူတပါးပြောတဲ့ အကြောင်းအရာတွေကို စိတ်လက်ဝင်စားစွာ နားထောင်လေ့မရှိပါဘူး။ လုပ်ငန်းခွင်တွေမှာ တစ်ခါတစ်ရံမလိုလားအပ်တဲ့ ပြဿနာတွေဟာလည်း active listening မရှိလို့ပဲဖြစ်ကြတာပါ။ အလုပ်ခွင်မှာ လုပ်ဖော်ကိုင်ဖက်တွေပြောတာကို အာရုံစိုက် နားမထောင်ဘူးဆိုရင် သူပြောတာတွေကိုနားမလည်တဲ့အတွက် သင့်အလုပ်တွင်မှာ မဟုတ်ပါဘူး။ ‌active listening ဆိုတာဟာ တပါးသူပြောတာကို သေချာအာရုံစိုက်ပြီးနားထောင်ခြင်း၊ ရှင်းရှင်းလင်းလင်းသိစေရန်မေးခွန်းများမေးမြန်းခြင်း၊ တပါးသူပြောလိုက်တဲ့ အကြောင်းအရာကို ပြန်ပြောင်းဖော်ပြခြင်း (rephrase) တို့ပဲဖြစ်ပါတယ်။ active listening ဆိုတဲ့ စွမ်းရည်ကို လေ့ကျင့်ခြင်းဖြင့် ကျွန်တော်တို့ ကိုယ်တိုင် ကောင်းမွန်စွာ ပြောဆိုဆက်ဆံနိုင်မှာဖြစ်ပြီး တပါးသူအတွက်လည်း အလုပ်လုပ်ရာမှာ အထောက်အကူကောင်းဖြစ်စေမှာပါ။

◼️Nonverbal communication (body language): မျက်နှာထား၊ eye contact၊ ခြေလက်အမူအရာ၊ လေသံ (tone of voice) တို့ဟာလည်း တဖက်လူက သင့်ကိုဘယ်လိုစိတ်အခြေအနေနဲ့ စကားပြောနေသလဲဆိုတာ ကို အများကြီး အဓိပ္ပာယ်ဖွင့်လို့ရပါတယ်။ သင်ဟာ ပေါ့ပါးတဲ့ကိုယ်ဟန်အနေအထားနဲ့ ရွှင်ပျတဲ့အမူအရာနဲ့ ပြောဆိုဆက်ဆံမယ်ဆိုရင် သင့်အတွက်ကောင်းမွန်တဲ့ ဆက်ဆံရေးတွေဖြစ်ထွန်းလာမှာ အမှန်ပါပဲ။ Eye contact ဟာလည်း ဒီခေါင်းစဥ်အောက်မှာ အရေးကြီးတဲ့အချက်တစ်ခု အနေနဲ့ရှိနေပါတယ်။ စကားပြောနေစဥ်မှာ eye contact ရှိခြင်းက သင်ပြောလိုတဲ့ အကြောင်းအရာတွေကို ပိုပြီးလေးနက်စေမှာပါ။ (တဖက်မှာစဥ်းစားရမှာတခုကတော့ တပါးသူ နေရခက်အောင် အတင်းဇွတ် စိုက်ကြည့်တာမျိုး မပြုလုပ်မိအောင် သတိပြုဖို့တော့လိုပါတယ်နော်။) 

◼️Clarity and concision: ထိရောက်ကောင်းမွန်တဲ့ communication ဖြစ်ရန်အတွက် တိကျရှင်းလင်းတဲ့ conversation တစ်ရပ်လိုအပ်ပါတယ်။ မိမိပြောလိုတဲ့ အချက်အလက်ကို စကားဖောင်ဖွဲ့ ပြောမဲ့ အစား တိုတိုနဲ့ ရှင်းရှင်းပြောတတ်ဖို့လိုအပ်ပါတယ်။ တဖက်လူဟာ မိမိရဲ့များပြားရှုပ်ထွေးလှတဲ့ စကားတွေကြားထဲမှာ သင်ဘာကိုဆိုလိုချင်သလဲမသိဖြစ်နိုင်လို့ ဖုန်းနဲ့ဖြစ်စေ၊ မေးလ်နဲ့ဖြစ်စေ ဆက်သွယ်တဲ့အခါ ရှင်းလင်းတိကျဖို့လိုပါတယ်နော်။ 

◼️Feedback: သင့်တင့် ကောင်းမွန်တဲ့ feedback တွေပေးနိုင်ခြင်းဟာ ကောင်းမွန်တဲ့ communication skills ရှိခြင်းကိုပြသနေပါတယ်။သင်ဟာ မန်နေဂျာတစ်ယောက် သို့မဟုတ် အဖွဲ့ခေါင်းဆောင် သို့မဟုတ် အလုပ်သမား တစ်ယောက်ဖြစ်ခဲ့မယ်ဆိုရင် သင့်အဖွဲ့ဝင်တွေရဲ့ လုပ်ငန်းဆောင်တာတွေကို အပြုသဘောဆောင်တဲ့ feedback တွေပေးနိုင်ဖို့လိုအပ်ပါတယ်။ အလားတူပဲ သင့်လုပ်ဖော်ကိုင်ဖက်တွေပေးတဲ့ feedback တွေကိုလက်ခံနိုင်ဖို့လည်း လိုအပ်ပါတယ်။ ဒီလို feedback တွေကိုလက်ခံပြီး သင်ပြုပြင်သင့်တဲ့ အရာတွေကို ပြုပြင်ခြင်းအားဖြင့် ထိရောက်ပြီးအကျိုးရှိတဲ့ လုပ်ငန်းခွင်ကိုဖန်တီးနိုင်မှာဖြစ်ပါတယ်။

ဒီအပတ်မှာတော့ Communication skills နဲ့ပတ်သတ်ပြီး သတိပြုသင့်တဲ့အချက်လေးတွေကို ဝေမျှပြီးပြီဖြစ်တဲ့ အတွက် Intern Plus User တွေအနေနဲ့ အထောက်အကူအများကြီးဖြစ်မယ်လို့မျှော်လင့်ပါတယ်နော်။