ပေါင်းသင်းဆက်ဆံရေး တိုးတက်ဖို့အတွက် အချက် (၄) ချက်
ပေါင်းသင်းဆက်ဆံရေး တိုးတက်ဖို့အတွက် အချက် (၄) ချက် ======
လူတိုင်းက ကိုယ့်ရဲ့ အသက်မွေးဝမ်းကြောင်းအတွက် အတတ်ပညာတစ်ခုစီ တတ်မြောက်ထားဖို့လိုပါတယ်။ သက်ဆိုင်ရာ အတတ်ပညာမှာ ကျွမ်းကျင်လေလေ ပိုပြီးအောင်မြင်မှု ရလေပါ။
အတတ်ပညာတစ်ခုထဲ တက်မြောက်ထားရုံနဲ့လည်း မပြီးပါဘူးနော် လူအများနဲ့ ပေါင်းသင်းဆက်ဆံတတ်ဖို့ကလည်း အရေးကြီးပါတယ်။တစ်ချို့လူတွေကတော့ ကိုယ်နဲ့လုံးဝမသိတဲ့ သူစိမ်းတစ်ယောက်နဲ့ ပေါင်းသင်းဆက်ဆံတဲ့နေရာမှာတောင် ကျွမ်းကျင်ကြပါတယ်
ပေါင်းသင်းဆက်ဆံတဲ့နေရာမှာ အားနည်းတဲ့ Intern Pluser တို့အတွက် အခုပြောပြမယ့် အချက်လေးတွေက အထောက်အကူဖြစ်မယ်လို့ မျှော်လင့်ပါတယ်နော်
တစ်ဖက်လူရဲ့စကားကို အာရုံစိုက်နားထောင်ပေးခြင်းလူအများနဲ့ဖြစ်စေ၊ တစ်ယောက်ခြင်းဖြစ်စေ စကားပြောတဲ့အခါမှာ ပြောနေသူရဲ့ စကားကို စိတ်ဝင်တစားနားထောင်ပေးပါ။ အဲလိုအမူအယာမျိုးရှိမှသာ စကားပြောနေသူက ကိုယ့်ရဲ့စကားကို အလေးထားနားထောင်ပေးတဲ့အတွက် သူပြောရကျိုးနပ်တယ်လို့ ခံစားရမှာပါ။
မေးခွန်းကောင်းမေးတတ်ခြင်းအဲလိုဂရုတစိုက် နားထောင်ရင်းကနေ သင့်တော်တဲ့အချိန်မှာ မေးလိုက်သည့်မေးခွန်းကောင်းတစ်ခုက စကားပြောနေသူအား သူ၏စကားများကို ပိုပြီးလေးလေးနက်နက် ပြောဆိုဖြစ်အောင် လုပ်ပေးတဲ့အပြင်၊ သူ၏အထင်မြင်ကိုလည်း အမှန်တကယ် စိတ်ဝင်စားကြောင်း ပြသရာ ရောက်ပါတယ်။
သဘောထားကွဲလွဲမှုကို တစ်ဖက်သား လက်ခံနိုင်အောင် ပြောတတ်ခြင်းမတူသော သဘောထားကို ငြင်းခုံဝေဖန်တာက သူ့အမြင်၊ ကိုယ့်အမြင်ကို ဖလှယ်တာမျိုးဖြစ်လို့ တန်ဖိုးရှိပါတယ်။ ဒါပေမယ့် အကျိုးသင့်၊ အကြောင်းသင့် ထောက်ပြတာမျိုးမဟုတ်ဘဲ ပြစ်တင်ပြောဆိုတာမျိုး မလုပ်သင့်ပါဘူးနော်။ တစ်ဖက်လူက မှားတာကို သိတယ်ဆိုရင်တောင် မှားတယ်လို့ တိုက်ရိုက်မပြောဘဲ ကိုယ်လက်ခံယုံကြည်ထားတဲ့အချက်ကို ညင်ညင်သာသာနဲ့ ပြောဆိုသင့်ပါတယ်။
စကားကို ကြားဖြတ်မပြောခြင်းဒီအချက်ကတော့ လူတိုင်းသိထားတဲ့ အခြေခံအချက်လေးပါ။ တခြားသူစကားပြောနေရင် တက်နိုင်သလောက် ကိုယ်ကစကားကို ကြားဖြတ်မပြောမိပါစေနဲ့နော်။ အကယ်၍ မဖြစ်မနေပြောကိုပြောရမယ်ဆိုရင်လဲ သူ့စကားကို မလေးစားရာ မရောက်အောင် “ကျွန်တော်နည်းနည်းလောက် ဖြည့်စွက်ပြောပါရစေ” စသဖြင့် အဲလိုယဉ်ကျေးတဲ့ အသုံးအနှုန်းလေးတွေ သုံးပြီး ပြောဆိုပေးပါနော်။